Shefja e Grupit Parlamentar të Lëvizjes Vetëvendosje, Mimoza Kusari-Lila deklaroi se opozita me numrat aktual që i ka nuk ka mundësi që ta çojë vendin në zgjedhje të reja.
Kusari-Lila në emisionin “Këndi i Debatit”, theksoi se opozita aktualisht i ka 44 deputetë, teksa tha se për rrëzimin e Qeverisë do të duhej të ishin 61 vota të deputetëve.
“Me numrat aktualë nuk ka mundësi opozita ta çojë vendin në zgjedhje edhe nëse e kërkojnë dorëheqjen e kryeministrit, apo mocionin e mosbesimit të Qeverisë për të cilin duhen 61 vota nuk e kanë një mundësi të tillë bashkë me 2 deputetë të pavarur. Opozita sot i ka 44 vota për tu votuar suksesshëm një mocion i tillë duhen 61, votat e Listes Serbe nuk e di sa i llogarisin ata kontrollojnë 10 deputetë të vet dhe 2 të pavarur ,do të thotë janë 12 që do e sillte numrin në 56. Do të duheshin edhe 5 vota të tjera të cilat nuk e shoh se si mund t’i kenë”, tha ajo.
Ndryshe, Kryetari i AAK-së, Ramush Haradinaj kishte kërkuar që të iniciohet mocion mosbesimi ndaj Qeverisë së Kosovës, pas zhvillimeve të fundit në veri të vendit.
“Qëndrimi i Aleancës është që të iniciohet mocion i mosbesimit. Mocioni bazohet në rrezikimin e sovranitetit në veri dhe prishjen e marrëdhënieve me SHBA dhe BE, deri te sanksionet e SHBA ndaj Kosovës. Do të vazhdojmë diskutimet me subjektet politike”, kishte deklaruar Haradinaj.
Dy partitë opozitare PDK-LDK nuk i kanë dhënë mbështetje këtij mocioni.
Por ato kanë kërkuar që Qeveria të jap dorëheqje për shkak të situatës së krijuar pas ngjarjeve në veri të vendit dhe masave të shqiptuara nga BE si dhe siç thonë ata prishjen e raporteve me aleatët.
Haradinaj të mërkurën pas mbledhjes së Kryesisë së AAK-së ka propozuar një Qeveri gjithëpërfshirëse
