Avokati Xhevdet Smakiqi ka folur për situatën me kryetarin e komunës së Leposaviqit, Lulzim Hetemi, i cili që mëse 1 muaj ka mbetur i ngujuar në objektin e komunës.
Smakiqi ka thënë se kryetarit të komunës nuk i lejohet fjetja dhe akomodimi brenda objektit komunal.
“Lulëzim Hetemi detyrohet si shtetas i RKS-së si i zgjedhur politikë edhe me 3% te votave si Kryetar i Komunes se Leposaviçit ta respektoi ligjin e punes pra orarin 8 oresh vajtje ardhje në punë dhe ti përshtatet administrates komunale si sherbim mbështetës qe punon me orarin e rregullt te punes 8 orë në ditë me vajtje ardhje”, ka shkruar Smakiqi.
Sipas tij Inspektorati i Punës në këtë rast duhet të ndërhyjë, sepse “edhe me vullnet personal duke cenuar të drejtat themelore nga marrëdhënia e punës nuk lejohet të vetshkelen të drejtat indivduale si e drejta në pushim dhe vajtje ardhje shtëpi vendi i punës”.
Për avokatin Smakiqi, çështje tjetër me rëndëi është se kush ia paguan faturat e ushqimit Hetemit dhe a mund të arsyetohen faturat me buxhetin komunal të Leposaviqit me reprezentacion të Komunës, kur ai nuk e takon askënd zyrtarisht.
“Pra nuk asnjë dispozitë ligjore ne fuqi ne Ligjin Per Menaxhimin e Financave Publike dhe Pergjegjësitë qe lejon shpenzimet e ushqimit me akomdim te asnjë Kryeyari te Komunave e as ne rastin e Lulezim Hetemit”, ka shkruar Smakiqi.
