E hëna, 3 korriku, ishte dita më e nxehtë e regjistruar ndonjëherë në botë, sipas të dhënave nga Qendrat Kombëtare të SHBA-së për Parashikimin e Mjedisit.
Temperatura mesatare globale arriti në 17,01 gradë Celsius duke tejkaluar rekordin e gushtit 2016 prej 16,92 gradë Celsius, ndërsa valët e të nxehtit vërshuan në të gjithë botën.
Jugu i SHBA-së ka vuajtur nga një valë intensive e të nxehtit javët e fundit. Në Kinë vazhdoi një valë e qëndrueshme e të nxehtit, me temperatura mbi 35 gradë Celsius kurse Afrika e Veriut ka parë temperatura afër 50 gradë
Madje edhe Antarktida, aktualisht në dimër, regjistroi temperatura jashtëzakonisht të larta. Baza Kërkimore Vernadsky e Ukrainës në ishujt argjentinas të kontinentit të bardhë theu kohët e fundit rekordin e saj të temperaturës në korrik me 8.7 gradë.
“Ky nuk është një moment historik që duhet të festojmë,” tha shkencëtarja klimatike Friederike Otto e Institutit Grantham për Ndryshimet Klimatike dhe Mjedisin në Kolegjin Imperial të Britanisë në Londër.
“Është një dënim me vdekje për njerëzit dhe ekosistemet.”, tha ajo shkruan Reuters, përcjell teve1.info
