Kryeministri i Kosovës, Albin Kurti në konferencën për medie i ka falënderuar të dy kryeministrat, atë të Holandës Mark Rutte, dhe atë të Luksemburgut Xavier Bettel, për vizitën e tyre në vendin tonë.
Sipas tij, kjo vizitë u bë në kohë të rëndësishme për demokracinë, sigurinë dhe paqen në rajonin tonë.
“Sot pata kënaqësinë t’i mirëpres dy kryeministrat atë të Holandës dhe të Luksemburgut në këto kohë të rëndësishme për demokracinë, sigurinë dhe paqen në rajonin tonë dhe në kontinentin tonë. Në emër të popullit të Kosovës i falënderova të dy kryeministrat për vizitën e tyre të përbashkët “, tha Kurti.
Sa i përket çështjes së dialogut me Serbinë, Kurti tha se gjatë takimit ka theksuar se Kosova dëshironë zgjidhje evropiane dhe se për këtë ai tha se e kemi marrëveshjen bazike.
“Në lidhje me dialogun me Serbinë kam theksuar se Kosova është e përushtuar për marrëdhënie cilësore. Ne dëshirojmë zgjidhje evropiane dhe për këtë e kemi marrëveshjen bazike dhe aneksit të zbatimit të 17 marsit, për të cilin dëshirojmë që të zbatohet në plotni, pa vonesa dhe pa kushte”, tha Kurti.
Teksa tutje potencoi se vendet gëzojnë një marrëdhënie të shkëlqyera dhe se Kosova siç tha ai, është mirënjohës për mbështetjen e shtetit të Holandës dhe Luksemburgut për Kosovën.
“Vendet tona gëzojnë marrëdhënie të shkëlqyera, jemi mirënjohës për mbështetjen e Holandës dhe të Luksemburgut gjatë këtyre viteve për lirinë dhe pavarësinë tonë. Mbështetja juaj për zhvillimin ekonomik dhe avancimin demokratik, na ka ndihmuar të përmirësojmë dhe të forcojmë sistemin e drejtësisë sikurse edhe të shoqërisë civile. Kërkova që të na ndihmojnë sa i përket programit të NATO-s “Partneriteti për Paqe”, dhe të ecim më tutje drejtë marrjes së pyetësorit nga Komisioni Evropian sa i përket anëtarësimit në Bashkimin Evropian ku ne tashmë e kemi bërë aplikimin tonë zyrtar”, shtoi Kurti./teve1.info./
