Policia e Kosovës ka publikuar fotografi të dyshuarit për vjedhje në vlerë për 31 mijë euro për të cilin ka kërkuar bashkëpunim nga qytetarët për identifikimin dhe lokalizimin e tij.
Sipas PK-së ai dyshohet se më 21 maj të këtij viti ka kryer vjedhje të rëndë në një shtëpi në Shirok të Suharekës.
Në këtë rast ishin vjedhur stoli ari me vlerë rreth 20000 (Njëzet mijë ) euro si dhe para të gatshme 11000 (njëmbëdhjetë mijë ) euro.
“Lidhur me rastin policia ka siguruar video incizime dhe foto të dyshuarit që dyshohet që i ka vjedhë parat, janë bërë hetime te vazhdueshme për I identifikimin e personit të dyshuar. Përkundër përpjekjeve të bëra, deri më tani nuk është arrite që të identifikohet dhe të lokalizohet vendqëndrimi i të dyshuarit. Me qëllimin që të zbulohet sa më pare vendndodhja dhe identiteti i tij, nga Prokurori i Shtetit lëshohet “Autorizim” për publikimin e fotografive të mara nga kamerat e sigurisë”, thuhet në komunikatën e PK-së.
