Lidhja Demokratike e Kosovës nuk do të marrë pjesë në mbledhjen e Kryesisë së Kuvendit për shkak të vendosjes së masave ndaj Kosovës nga Bashkimi Evropian, e cila fajëson Kosovën se nuk ka bërë hapa për shtensionim të situatës.
Shefi i Grupit Parlamentar i LDK-së, Arben Gashi të hënën pas dështimit të mbledhjes së Kryesisë së Kuvendit, tha se nuk mund të sillemi si kur s’ka ndodhur asgjë.
“LDK nuk ka marr pjesë në Mbledhje e Kryesisë për shkak të situatës së krijuar lidhur me sanksionet e konfirmuara nga zëdhënësi i BE dhe nga kryeministri Kurti. Ne si grup parlamentar vlerësojmë së është e dëmshme për Kosovën dhe është e pa mundur që të sillemi në mënyrë normale sikur nuk ka ndodhur asgjë. Andaj nuk do të marrim pjesë në mbledhjet e Kryesisë. Nuk do të këtë seancë normale dhe nuk do të ketë Kuvend normal për pa u hequr sanksionet e Kosovës. Për hapat e tjera do të vendosen nga mbledhja e kryesisë se partisë”, tha ai.
