Kryetari i Komunës së Pejës, Gazmend Muhaxheri, është rizgjedhur kryetar i degës së LDK-së në këtë komunë.
Po ashtu sot është zgjedhur edhe kryesia e re e LDK-së në këtë qytet.
Muhaxheri me rastin e rizgjedhjes ka shkruar se “do të vazhdojë ta jap maksimumin për të mbështetur aspiratat dhe nevojat” e qytetarëve të Pejës.
“Ju ftoj që të merrni pjesë aktivisht në debatet dhe diskutimet tona dhe të na sugjeroni për nismat dhe idetë tuaja. Fuqia dhe zëri i secilit prej jush janë thelbësore për suksesin tonë kolektiv”, ka shkruar Muhaxheri.