Edhe këtë të premte, disa qytetarë të komunitetit serb po protestojnë para objektit të Komunës së Leposaviqit.
Edhe pse në numër të vogël, ata po vazhdojnë ta kundërshtojnë kryetarin e ri shqiptar, Lulzim Hetemin, i cili po qëndron i mbyllur brenda objektit komunal.
Ai nuk doli nga aty prej ditës së parë kur mori këtë post.
E për sigurinë e këtij objekti edhe po përkujdesen pjesëtarët e KFOR-it.
Teksa rrethoja nuk pati në pjesët tjera të objektit komunal.
Derisa rrugës për në këtë komunë, në postblloqet e Policisë se Kosovës po kontrollohen detajisht veturat e dyshuara.
Situatë e qetë u pa edhe në Komunën e Zveçanit, veçse aty kishte një numër më të madh të protestuesve.
Edhe këta të ulur në karrige e në tenda në mes të rrugës po e kundërshtojnë kryetarin e sapozgjedhur shqiptar.
Para objektit komunal qëndrojnë të stacionuara këto autoblinda te KFOR-it turk.
E për dallim nga komunat tjera, në Zubin Potok nuk pati protestues fare.
Aty ishin vetëm disa ulëse në mes te rrugës.
Ajo çka u vërejt atje ishte prezenca më e madhe e zyrtarëve të Policisë se Kosovës.
Po ashtu, aty u panë edhe disa pjesëtarë te KFOR-it grek.