Në një njoftim në Facebook, Inspektorati po ashtu ka theksuar se operatorëve ekonomik u ndalohet që ta vendosin këtë produkt në shitje.
“Me këtë rast iu bëjmë thirrje të gjithë qytetarëve nëse hasin në produktin e lartcekur ta njoftojnë Inspektoratin e Tregut, ose produktin në fjalë ta kthejnë tek shitësi ku e kanë blerë, pasi që ky produkt rezulton se nuk është i sigurt. U ndalohet të gjithë operatorëve ekonomikë që këtë produkt ta vendosin në shitje. Nëse ata posedojnë produkte të tilla ta njoftojnë Departamentin për Mbrojtjen e Konsumatorit dhe në procedurë të rregullt ta largojnë nga tregu”, thuhet në njoftim. /Teve1.info/
Njoftimi i plotë:
NJOFTIM PËR PRODUKT TË PASIGURT
Njoftohen qytetarët dhe bizneset se Inspektorati i Tregut i Ministrisë së Industrisë, Ndërmarrësisë dhe Tregtisë është duke punuar për largimin nga tregu të produktit automate (ndërprerës) për instalime elektrike Easypact CVS i brendit Schneider.
Me këtë rast iu bëjmë thirrje të gjithë qytetarëve nëse hasin në produktin e lartcekur ta njoftojnë Inspektoratin e Tregut, ose produktin në fjalë ta kthejnë tek shitësi ku e kanë blerë, pasi që ky produkt rezulton se nuk është i sigurt.
U ndalohet të gjithë operatorëve ekonomikë që këtë produkt ta vendosin në shitje. Nëse ata posedojnë produkte të tilla ta njoftojnë Departamentin për Mbrojtjen e Konsumatorit dhe në procedurë të rregullt ta largojnë nga tregu.
Të dhënat më të detajuara për produktin:
Lloji i produktit: Automate
Marka tregtare: Schneider Industry SAS
Emërtimit i produktit: Easypact CVS
IAN kodi: PRB-233066
Vendi i origjinës: Kinë, Francë
Përshkrimi i rrezikut: Easy Pact CVS potencialisht të prekur mund të përmbajnë një komponent të papërshtatshëm që mund të bëjë, në kushte të caktuara, automati të mos funksionojë siç është synuar (në prodhimin e tij). Nëse ndodh diçka e tillë, mund të ekzistojë rreziku për lëndim personal të përdoruesit dhe/ose dëmtim të pronës.
