Ministrja e Drejtësisë, Albulena Haxhiu ka kujtuar datën e 27 qershorit 2013, kur në Kuvend kishte ardhur për ratifikim Marrëveshja e parë e parimeve që rregullojnë normalizimin e marrëdhënieve mes Kosovës dhe Serbisë.
Haxhiu ka shkruar se kjo marrëveshje kishte për qëllim themelimin e një Asociacioni njëenik.
“Marrëveshja vetëm në titull e kishte normalizimin pasi në qendër e në përmbajtje e kishte themelimin e Asociacionit një-etnik të komunave me shumicë Serbe. Gjashtë nenet e para të kësaj marrëveshjeje ishin vetëm për Asociacionin/Zajednicën i cili përmendej gjithsej 9 herë në 15 nene”, ka shkruar Haxhiu.
Ajo ka rikujtuar faktin se Lëvizja Vetëvendosje nuk e kishte mbështetur këtë marrëveshje.
“Më shumë se 2/3 e problemeve që i kemi në dialogun me Serbinë sot vijnë nga ky votim me mbi 2/3 në Kuvendin e Republikës para fiks një dekade”, ka shkruar Haxhiu.
