Dy persona, babë e djalë janë arrestuar dhe janë dërguar në mbajte për 48 orë të cilët kanë sulmuar fizikisht një person në parkingun e një restoranti në Zllatar të Prishtinës, duke i shkaktuar lëndime të rënda trupore.
Sipas PK-së, njëri nga të arrestuarit ka gjuajtur më armë zjarri në drejtim të tokës ku edhe është vetëplagosur.
“Janë arrestuar dy të dyshuar meshkuj kosovarë, babë e djalë, të cilët në parkingun e një restoranti e kishin sulmuar fizikisht viktimën mashkull kosovar i cili si pasojë ka pësuar lëndime trupore nga mjete të forta. Sipas viktimës njëri prej të dyshuarve me armë zjarri kishte gjuajtur në tokë afër këmbëve dhe si pasojë ishte vetëplagosur në këmbë. Viktima dhe njëri prej të dyshuarve kanë marrë tretman mjekësor”, thuhet në njoftimin e PK-së.
Policia bënë të ditur se në vendin e ngjarjes kanë gjetur dhe kanë sekuestruar dy gëzhoja të pistoletës, ndërsa në veturën e të dyshuarit te QKUK-ja kanë gjetur dhe kanë sekuestruar një pistoletë me dy fishekë, e cila dyshohet se ishte përdorur në rast./teve1.info/