Ministrja e Drejtësisë, Albulena Haxhiu ka reaguar pas lirimit të tre policëve kosovarë të rrëmbyer nga Serbia të kidnapuar nga Serbia më 14 qershor, me pretendimin se kanë hyrë në territorin e Serbisë.
Ajo ka thënë se lirimi i tyre është lajm i mirë dhe dëshmon vërtetësinë për skemat e krijuara nga Beogradi me qëllim të destabilizimit të situatës në veri.
“Lirimi nga paraburgimi në Serbi i tre policëve të Kosovës, është lajm i mirë që dëshmon edhe më tej vërtetësinë për skemat e krijuara nga Beogradi me qëllim destabilizimin në veri të vendit. Kidnapimi i tre policëve nuk kishte të bënte me drejtësi por me agresionin e Serbisë në Kosovë. Këtë fakt duhet ta njohin dhe pranojnë edhe miqtë tanë ndërkombëtarë të cilët duhet të kërkojnë përgjegjësi ndaj autoriteteve serbe për hyrjen e tyre të jashtëligjshme në Kosovë dhe rrëmbimin e tre policëve kufitarë”, ka shkruar ajo./teve1.info/
