I ftuar në “Info Nata” në Tëvë 1, Muhaxhiri tha se Vuçiqi është mbret i Serbisë.
“Fuqia e Vuçiqit në Serbi është totale, pra ai totalisht dominon Serbinë në aspektin politik, aspektin ekonomik, aspektin medial, edhe në aspektin sportiv, edhe në aspektin kulturor. Pra çdo gjë, Vuçiqi është realisht perandor, mbret i Serbisë”, tha Muhaxhiri.
Analisti shtoi se presidenti serb është një hipokrit i cili e ka Serbinë në dorë.
“Është një hipokrit, aktor i madh, mirëpo deri më tani ka pasur sukses, por për fatin tonë të keq, por ndoshta edhe të mirë ai e ka Serbinë në dorë, pra ai mund të marrë çfarëdo lloj vendimi, nuk duhet të konsultohet me askënd. Nëse në një moment bindet që është në interesin e tij që të bëj ndonjë koncension për Kosovën, ai edhe do ta bëjë. Edhe ndonjë lloj njohje jo direkte, po ndoshta edhe indirekte”, tha Muhaxhiri. /Teve1.info/
