Kryeziu në emisionin “Këndi i Debatit” në Tëvë1, ka treguar dy gjëra pse Qeveria ka mbajtur një pozicion në lidhje me këtë çështje.
“Pozicioni jonë si në rastin e synimit e tendencës së Serbisë për të mbajtur referendumin e saj kushtetues në Kosovë brenda territorit të saj sikurse të ishte ajo pjesë e saj edhe kësaj radhe ne kemi mbajtur një pozicion parimor dhe jemi treguar të përgjegjshëm në raport me dy gjera: E para në raport me përgjegjësin që e kemi ndaj qytetarëve tonë që kanë dy shtetësi e të cilët si rezultat kanë të drejt vote për shtetin e parë apo të dytë por në anën tjetër kemi treguar përgjegjësi në raport me Kushtetutshmërinë dhe ligjshmërinë tonë. Ne gjatë gjithë kohës kemi dashur që tua mundësojmë një të drejtë të tillë mirëpo kemi konsideruar se ajo nuk mund të jetë në shpërputhje me kushtetutshmërinë tonë, pra nuk mund të veprojmë kundër ligjeve tona”.
“Ne kemi kërkuar një kërkesë zyrtare nga Serbia drejtuar Qeverisë së Kosovës, për të mbajtur zgjedhjet e tyre në Kosovë, sikurse rëndom ndodh në vendet e bashkimit evropian, se si qytetarët e një fqinji tjetër ka të drejtë të marrë pjesë në zgjedhjet e shtetit tjetër mirëpo gjithmonë me njëfarë dakordimi paraprak mes dy shteteve që janë të përfshira dhe kjo nuk po ndodh dhe është për keqardhje sepse për shkak se po i pamundësohet një e drejt qytetarëve që kanë një shtetësi”, ka thënë ai.
Kryeziu deklaroi se Serbia nuk ka dashur që komunikimi për këtë çështje të jetë në nivel të dy Qeverive por sipas tij insistimi i shtetit fqinjë ka qenë që komunikimi të jetë në mes zyreve ndërlidhëse.
“Ne i kemi konsideruar që komunikimi që duhet të zhvillohet për këtë çështje duhet të jetë në nivel të Qeverive meqë një shtet po dëshiron të mbajë zgjedhje në një shtet tjetër por kjo nuk është pranuar dhe si rezultat e ka pamundësuar çfarëdo lloj marrëveshje për praktikat që mund të përdoret për mundësimin e një procesi të tillë dhe insistimi i tyre ka qenë komunikimi i tyre të jetë në mes zyreve ndërlidhëse. Madje propozimi i Serbisë ka qenë që Zyra për Kosovën në Qeverinë e Serbisë të kontaktojë me zyrën ndërlidhje dhe të njëjtën kohë t’ia parashtrojë kërkesën OSBE-së në Kosovë që kjo do të thotë që ata po e trajtojnë këtë çështje si çështje të brendshme meqë një institucion brenda qeverisë po i drejtohet një institucioni tjetër që nuk është qeveritar si OSBE-ja”, ka thënë ai.
Ai thotë se nuk mund të kërkohet që Kosova të veprojë kundër ligjeve dhe Kushtetutës së saj.
“Ne kemi menduar që për një proces të tillë që ai të ndodh një e drejtë e qytetarëve me dy shtetësi të realizohet duhet të ketë një lloj vullneti të mirë përndryshe nuk mund të pritet që të kërkohet nga Kosova të veprojnë kundër ligjeve dhe Kushtetutës së saj dhe nuk mund të kthehemi në praktika të cilat kanë qene në të kaluarën që ka pasur kësisoj karakteri që ka pasur një lloj komunikimi nivel qeveritar ashtu që të zhvillohet një proces kryekëput edhe në diskurs edhe në logjistik të trajtohet nga Serbia si çështje e brendshme”, përfundoi Kryeziu. /teve1.info/
