Kryetarja e Komisioni për Mbikëqyrjen e Agjencisë për Inteligjencë (AKI), Ganimete Musliu, tha se destabilizimi i veriut ishte paralajmëruar, raporton teve1.info
Në një konferencë për medie pas mbledhjes së Komisionit Parlamentar për mbikëqyrjen e AKI-së, ku raportoi inspektori i AKI-së, Kujtim Shala, Musliu tha se ky komision e ka kryer punën e vet pa e komentuar reagimin e Qeverisë.
Musliu ka folur edhe për kidnapimin e tre policëve në veri si dhe gjendjen jo të mirë të mirë të zyrtarëve policorë në përgjithësi.
Ajo ka thënë se ka propozuar Projektligjin për pensionin e parakohshëm të policëve, duke marrë për bazë që Policia e Kosovës është më vjetar në rajon.
“Kishim në raportim inspektorin e AKI-së, që ka marrë mandatin qe 6 muaj. U dakorduam që zotin Shala ta ftojmë në javën e parë të muajit korrik, ngase ende nuk e kanë raportin e Auditimit. Në agjenci nuk lejohet të ketë auditor të jashtëm, po ashtu auditimi specifik për pasqyrat brenda Agjencisë. Si deputet ju i keni përcjell edhe seancat, kam qenë e zëshme, jam e pa kënaqur me trajtimin dhe do të vazhdojë ta ngris këtë çështje, kam propozuar edhe projektligjin për pensionin e parakohshëm. Tre policët e kidnapuar dy prej tyre janë 48 dhe 62 vjet, e aq më tej për një ka shkuar nga pushimi mjekësor, ngritja e kapaciteteve, ngritja e pagave, shtesat e tjera dhe pensionimi duhet të rregullohet që të kemi një polici moderne e efikase”, tha ajo.
“E kam paraqitur rrezikun që do të vijmë në këtë gjendje, vet Agjencia nuk ka rol ekzekutiv, mbledhin informata e informojmë Qeverinë, Presidencën, ne e kemi paralajmëruar që grupe në Rashkë po trajnohen për destabilizimin e veriut, ne e kemi kryer punë tonë si Komision. Qeveria nuk ka marrë informata nga ne por nga drejtoi i AKI-së, se sa i ka shfrytëzuar, nuk më bijë mua të komentoj”, ka thënë Musliu.