Emisari i BE-së për dialogun Kosovë-Serbi, Miroslav Lajçak ka zhvilluar një takim me Zëvendëskëshilltarin e Sigurisë Kombëtare të ShBA-së, Jon Finer dhe drejtoreshën e Lartë për Evropën në Këshillin e Sigurisë Kombëtare, Amanda Sloat.
Situata në veri ishte temë diskutimi kurse takimi u vlerësua si i dobishëm nga Lajçak.
“Një takim shumë i dobishëm me Zëvendëskëshilltarin e Sigurisë Kombëtare të ShBA-së, Jon Finer dhe Drejtoreshën e Lartë për Evropën në Këshillin e Sigurisë Kombëtare, Amanda Sloat mbi situatën në veri të Kosovës, hapat e nevojshëm për de-përshkallëzimin dhe rrugën përpara në dialogun e lehtësuar nga BE-ja”, ka shkruar ai.
