Kolonat e gjata të kamionëve në territorin e Serbisë, shihen edhe nga pjesa e Kosovës.
Të njëjtit janë bllokuar tash e disa ditë nga vendimi i Qeverisë së Kosovës, i cili ndalon hyrjen e mallrave serbe në Kosovë.
E hënën mbrëma vozitësit e këtyre mjeteve, në afërsi të kufirit të Jarinjës i kanë shpërndarë kamionët si barrikadë.
Në këtë formë, ata po protestojnë për këtë vendim që sipas tyre po ua shkatërron ekonominë.
E kjo u vërtetua, kur vetura me targa të Kosovës përdorën hyrjen dhe daljen në këtë pikë kufitare.
Mirëpo, kamionët dhe autobusët me targa RKS gjatë së martës nuk përdorën këtë rrugë për qarkullim.
Derisa qarkullim pa problem në të dyja anët ka pasur nga veturat me tabela të Serbisë.
Situatë e njëjta është edhe në pikën tjetër kufitare, në Bërnjak ku serbët kanë barrikaduar me kamionë.
E gjithë këtë situatë, po e monitorojnë pjesëtarë të Policisë së Kosovës dhe trupa të KFOR-i.
Por pasdite Ministria e Punëve të Brendshme ka njoftuar se janë liruar për qarkullim tri pikat kufitare me Serbinë, Jarinjë, Merdarë dhe Bërnjak.
Siç njofton MPB, tashmë rrugët janë të lira për qarkullim dhe se dalja dhe hyrja në territorin e Kosovës bëhet nga tre deri në pesë minuta.
Kronika e gazetares Fetije Kamberi.
