Agjencia e Ushqimit dhe Veterinarisë ka bërë të ditur se ka asgjësuar 32 krerë gjedhe nga dy ferma në Gjilan dhe Prizren.
Kjo pasi të njëjtat kanë rezultuar pozitiv në sëmundjen e Brucelozës
“Me datë 19-20 Qershore 2023, në Gjilan dhe Prizren janë asgjësuar 32 krerë gjedhe nga dy ferma. Të cilat kanë rezultuar pozitiv në sëmundjen e Brucelozës. Për të penguar përhapjes e sëmundjeve infektive Agjencia e Ushqimit dhe Veterinarisë, gjatë gjithë vitit zhvillon politika për luftimin e sëmundjeve infektive Zoonotike. Kryen hulumtime diagnostike, merren mostra për testime dhe në secilin rast kur ato rezultojnë pozitiv në ndonjërën nga sëmundjet infektive. Menjëherë ndërmerren veprimet ekzekutive për asgjësimin e kafshëve për ta penguar përhapjen e sëmundjes. Masat tjera janë dezinfektimi i fermës dhe mbikëqyrja e afateve kohore për ripopullim”, thuhet në njoftim.
Tutje thuhet se AUV në rastet e paraqitjes se sëmundjeve infektive, ndihmon fermerët me mbulim të shpenzimeve për asgjësim, bën dezinfektimin e fermës si dhe kompenson fermerët për kafshët e asgjësuara.
“E gjithë kjo bëhet me qellim të ruajtjes se shëndetit veterinar dhe atij human qe janë fokus qendrorë i mandatit të AUV-së”.