Ministri i Punëve të Jashtme të Maqedonisë së Veriut, Bujar Osmani ka thënë se ka realizuar një bisedë telefonike me ministren e Punëve të Jashtme të Kosovës, Donika Gërvallën dhe ministrin e Punëve të Jashtme të Serbisë, Ivica Daçiq, me të cilët ka diskutuar për situatën e tensionuar në veri të Kosovës.
Ai tha se është jashtëzakonisht e rëndësishme që Serbia t’i lirojë menjëherë policët e kidnapuar nga forcat serbe.
“Kam komunikuar me ministrat e jashtëm të Kosovës dhe Serbisë. Përsërita thirrjen time për deeskalim urgjent në komunat veriore të Kosovës. Është jashtëzakonisht e rëndësishme që Serbia t’u japë qasje të menjëhershme dhe t’i lirojë oficerët e ndaluar”, ka thënë ai.
As 🇲🇰 FM & @OSCECiO, I communicated with FMs of #Serbia & #Kosovo.
👉 Reiterated my call for urgent de-escalation in northern municipalities of Kosovo ➡️ It is crucially important that Serbia grants immediate access to and release the detained officers.(1/3)— Bujar Osmani (@Bujar_O) June 20, 2023
