Tri pikat kufitare me Serbinë vazhdojnë që të jenë të bllokuara

Tri pikat kufitare Bërnjak, Jarinje dhe Merdarë vazhdojnë që të jenë të bllokuara.

Sipas faqes së Ministrisë së Punëve të Brendshme, këto dy të fundit janë të bllokuara për kalim të kamionëve dhe autobusëve, ndërsa pikëkalimi në Bërnjak është bllokuar plotësisht.

Sipas ministrisë, as kalimi i veturave nuk është i sigurt.

Ndryshe, mbrëmë Ministria e Punëve të Jashtme dhe Diasporës u ka bërë thirrje qytetarëve që nuk kanë hyrë tashmë në Serbi, të mos udhëtojnë përmes saj.

“Duke marrë parasysh faktin që janë në qarkullim shumë lajme të rreme, të cilat synojnë përhapjen e frikës, ju lutemi të ndiqni @Kosovo_Police rreth përditësimeve më të fundit zyrtare në këtë drejtim”, njoftohet tutje.