Në takimin e fundit të Këshilli Ekonomiko-Social, më 10 mars, kishte dy propozime për pagë minimale e që u hodhën në votim, por asnjëri propozim nuk mori votat e duhura.
Sipas këtij Këshilli, paga e cilado t’i propozohet për miratim Qeverisë, do të ketë një pagë minimale të arsyeshme.
“Deri në fund të këtij muaji do të mbahet Takimi i radhës i KES-it ku do të votohet propozimi përfundimtar për pagën minimale, i cili propozim do t’i dërgohet për miratim Qeverisë. Besojmë shumë se propozimi i KES-it, i cili është propozim i arsyeshëm, do të miratohet nga Qeveria dhe të punësuarit në Republikën e Kosovës do të kenë një pagë minimale të arsyeshme. Duam të cekim se KES-i do të vazhdojë me punën rreth përcaktimit të pagës minimale edhe për vitin 2023, që do të mundësojë propozimin e pagës minimale më të lartë se në vitin që jemi, vitin 2022”, thuhet në njoftim. /teve1.info/
