Dogana e Kosovës së bashku me policinë i kanë parandaluar tri raste të kontrabandimit me mallra në Gjakovë e Ferizaj, raporton teve1.info
Sipas komunikatës së Doganës, në rastin e parë është parandaluar kontrabandë me cigare, cigare elektronike dhe pajisje tjera për këtë cigare.
“19 qershor 2023. Pas pranimit të informatave nga qytetarët përmes aplikacionit e-dogana se në qytetin e Gjakovës, respektivisht në një njësi biznesi tregtohet cigare pa banderola, njësit relevante të Doganës kanë organizuar një kontrolle. Me këtë rast është gjetur një sasi e konsiderueshme e cigareve, cigareve elektronike, dhe produkteve e të tjera të duhanit për të cilat personi përgjegjës, pala nuk posedonte dokumente dhe si të tilla janë kontrabanduar në Kosovë”, thuhet në komunikatë.
Në rastin e dytë Dogana ka parandaluar kontrabandimin e një makine hidraulike për prerjen e drunjve si dhe në rastin e tretë është parandaluar kontrabandim i mallit me origjinë të huaj për të cilin nuk kishte dokumentacion.
“Derisa ne rastin e dytë zyrtaret Doganore kane organizuar po ashtu një plan operativ me qëllim të parandalimit të kontrabandimit të mallrave dhe me kete rast është zbuluar dhe parandaluar një rast tentim kontrabandimi i një makine hidraulike për prejen e drunjve. Derisa rasti i tretë është zbuluar në magjistralen Ferizaj-Kaqanik në kuadër të Planit të përbashkët operativ të Doganës, ATK-së dhe Policisë së Kosovës ku është arritur të identifikohet një veturë e cila ishte duke transportuar mall me origjinë të huaj e për të cilën pala nuk posedonte dokumentacion që e dëshmon se ky mall ka hyrë përmes rrugëve ilegale në Kosovë (mall i kontrabanduar)”, thuhet në komunikatë.