Është gjetur një veturë në lumin Lepenc, rreth 200 metra larg vendit ku ka ndodhur fatkeqësia e familjes Pacolli nga Kosova, raporton KlanMacedonia.
Pritet të konfirmohet nëse vetura është BMW e familjes Pacolli dhe nëse brenda saj gjenden anëtarët e kësaj familje.
Ekipet e kërkim-shpëtimit po përpiqen të arrijnë deri tek vetura për ta konfirmuar nëse është ajo me të cilën kanë udhëtuar tre anëtarët e humbur të kësaj familje.
Tre anëtarë të kësaj familje ende nuk janë gjetur pasi kishin rënë në lumë pas një aksidenti me veturë të shtunën.
Ndërsa, një persona është gjetur i gjallë të shtunën.
Një 64-vjeçari nga Shkupi është arrestuar nga policia pas aksidentit të së shtunës kur një automjet me targa të Kosovës ra në lumin Lepenc, rrugës për në Bllacë.
I arrestuari dyshohet si pjesëmarrës në aksidentin mes veturës me targa të Kosovës dhe automjetit të drejtuar prej tij me targa të Shkupit.
