Sot nga aeroporti “Adem Jashari” në Prishtinë është nisur grupi i parë i besimtarëve nga Kosova të cilët do të kryejnë kushtin e pestë të Islamit, haxhin.
Në përcjellje të tyre doli edhe kryetari i Bashkësisë Islame të Kosovës, Myftiu Naim Tërnava, i cili u uroi besimtarëve rrugë të mbarë dhe haxh e ibadet të pranuar.
Kryesia e Bashkësisë Islame të Kosovës ka njoftuar se këtë vit nga Kosova për ta kryer haxhin do të udhëtojnë 1597 besimtarë, të cilët do të udhëtojnë përgjatë 3 ditëve më 17, 18 dhe 19 qershor.
