Në këtë gjendje është shtëpia e familjes Hajdari nga fshati Shtedim i Podujevës.
Kryefamiljari duke mos u prononcuar para kamerës, tregoi se mesnatën e së premtes ata u goditën nga vërshimet që ndodhën atje.
Dëmtime nga vërshimet patën edhe familje tjera në këtë fshat.
Naim Hyseni tregon momentin kur e kanë ndodhur vërshimet, teksa thotë se i janë dëmtuar shpezët por edhe kulturat bujqësore afër shtëpisë.
Edhe Skender Rexhepi thotë se ka pasur dëmtime në mëdha në hapësirat e brendshme të shtëpisë.
Teksa, shpreh mllefin e tij ndaj zyrtarëve komunal të cilët siç thotë ai nuk i kanë kontaktuar për t’u informuar rreth dëmeve të shkaktuara.
E kryetari i Komunës së Podujevës, Shpejtim Bulliqi thotë se për shkak të gjendjes emergjente në nga vërshimet, janë evakuuar disa familje dhe se ekipet e tyre janë në terren.
Sipas tij, dëmet më të mëdha janë nëpër shtëpi të fshatrave të ndryshme dhe se po punojnë për të bërë vlerësimin e tyre.
Përpos në Podujevë, vërshime gjatë ditëve të fundit ka pasur edhe në komuna tjera.
Kronika e gazetarit Lindrit Zejnullahu.