Ministra e Drejtësisë, Albulena Haxhiu ka thënë se masa e paraburgimit të policëve të rrëmbyer nga Serbia, e cila është dirigjuar nga presidenti, Aleksandar Vuçiq ka pasoja edhe për Ballkanin.
Ajo tha se policit duhet të lirohen sa më parë.
“Skenari për thellim të mëtejmë të tensioneve po vazhdon nga Serbia agresore përmes presidentit autokrat Vuçiq. Gjykata e dirigjuar nga lartë paska dhënë masë të paraburgimit për 30 ditë për policët e Kosovës, të rrëmbyer dy ditë më parë në Leposaviç. Por për çfarë?
Vlerat perëndimore si demokratizimi i shoqërisë dhe pavarësimi i institucioneve duhet të jenë presion ndaj Serbisë. Dirigjimi i institucioneve të drejtësisë nga Vuçiq ka pasoja edhe në Ballkan. Demokracia nuk mund të ketë aleat autokracinë dhe as nuk mund të thellohet deri në absurd, të rri e heshtur ndaj autokratëve.Policët e Kosovës duhet të lirohen sa më parë”, ka shkruar ajo.
