Anëtari i LDK-së, Berat Rukiqi, tha se Qeveria po prodhon lajme të rreme, duke zhvendosur vëmendjen nga problemet reale.
Sipas tij, pushteti nuk po zgjedh mjete për të luftuar opozitën, mediet dhe shoqërinë civile.
Përmes një postimi në Facebook, Rukiqi ka thënë se kjo qeverisje po ndodh në Kosovë dy vitet e fundit.
“Prodho lajme të rreme, sulmo të gjithë, fut në përdorim makinerinë propaganduese, zhvendose vëmendjen nga problemet reale. Kjo është qeverisja në Kosovë, në dy vitet e fundit. Pushteti dhe eksponentë të pushtetit, në panik, nuk po zgjedhin mjete për të luftuar opozitën, mediat, shoqërinë civile. Makineria propaganduese e këtij regjimi, me çdo kusht po synon të zhvendos vëmendjen nga dështimet kolosale në siguri, diplomaci, ekonomi, përmes krijimit të lajmeve të rreme. Një përpjekje e tillë është edhe deformimi i qëllimshëm i deklaratave të Kryetarit Abdixhiku, nga prezantimi i qëndrimeve të tij në emisionin Rubikon. Për të bërë të qartë, për të gjithë opinionin publik, se çka ka thënë saktë Kryetari Lumir Abdixhiku, po e sjelli citatin e plote te deklaratës që po deformohet, për qëllime të qarta të diskreditimit të opozitës.
“Nuk dua të bëhem kryeministër që prodhoj kriza, dua te mbahem në mend për integrim në NATO dhe BE, për projekte e zhvillim të këtij vendi”, ka shkruar Rukiqi.
