Ministrja e Jashtme e Kosovës, Donika Gërvalla ka thënë se kidnapimi i tre pjesëtarëve të Policisë së Kosovës, brenda territorit të vendit është përsëritje e praktikës kriminale Millosheviqit “i cili urdhëroi kidnapimin e OKB-së dhe oficerëve të tjerë të huaj gjatë luftës në Bosnje për të shantazhuar Perëndimin”.
Ajo përmes një reagimi në Twitter ka thënë se ky akt i agresionit nga Serbia është një provë e qartë për Perëndimin.
Ajo duke kërkuar lirimin e menjëhershëm të policëve ka thënë se Vuçiq do të përshkallëzojë tërë rajonin nëse nuk ndalet nga NATO.
“Vuçiq padyshim do të përshkallëzohet më tej në të gjithë rajonin nëse nuk ka një ndalesë të qartë nga NATO. I bëjmë thirrje Vuçiqit që të lirojë menjëherë policët tanë. Ne i bëjmë thirrje Perëndimit të ngrihet në mbrojtje të aleatëve perëndimorë dhe të ndalojë përshkallëzimin e Vuçiqit”, ka shkruar ajo.
