Përzgjedhësi i Kosovës, Rami Hadar ka publikuar listën e Kosovës për dritaren e tretë parakualifikuese për Evropianin 2025.
Kosova gjendet në Grupin H, aty ka Zvicrën dhe Danimarkën. Ndeshjen e parë Kosova e luan në shtëpi më 19 korrik, ku e pret Zvicrën, pastaj luan dy ndeshje jashtë më 26 korrik ndaj Danimarkës dhe me Zvicrën më 29 korrik. Ciklin para kualifikues Kosova e mbyll në shtëpi më 5 gusht, ku është nikoqire e Danimarkës.
Në listën e gjerë prej 17 basketbollistëve është kthyer Lis Shoshi dhe Dardan Kapiti, kurse është natyralizuar Dominic Artis, teksa për herë të parë është ftuar Shendrit Llapi. Lista prej 17 basketbollistëve, do të shkurtohet në 12 me pas.
Në listën e Hadar nuk gjendet fundori Arti Hajdari. Hajdari në një intervistë dhënë për Tëvë1 ka thënë se ka pranuar ftesë, mirëpo nuk do të jetë në gjendje të luaj shkak arsyejeve personale të tij.
“Ftesën e kam, mirëpo vështirë se do të jem pjesë për shkaqe familjare”
Kosova këtë vit për herë të parë ndeshjet në shtëpi do t’i zhvillojë në Palestrën “Sezai Surroi” në Prizren. Ndërsa vetëm ekipi që zë vendin e parë kualifikohet në kualifikimet për Evropianin 2025.