Anëtari i Partisë Socialdemokrate, Nol Nushi ka thënë se kryeministri i Kosovës, Albin Kurti duhet të japë dorëheqje dhe të mos e formojë Asociacionin.
Sipas tij, Asociacioni do të ishte barrë për kryeministrat e ardhshëm. Por, ai në “InfoNata” ka thënë se ka frikë që Kurti do ta formojë Asociacionin dhe nuk do të jap dorëheqje.
“Albin Kurti s’duhet të bëjë Asociacionin dhe të japë dorëheqje. Le të jap dorëheqje të shkojmë në zgjedhje, të bëjnë çfarë të duan, Asociacionin, Kosova s’duhet me pas, sepse ka me qenë një barrë që ka me mbajë në shpinë edhe kryeministri që vjen pas Kurtit. Halli jem është që ky edhe ka me ba Asociacionin por s’ka me dhënë dorëheqje”, ka thënë Nushi.
Ai ka kritikuar edhe paritë opozitare për të cilat ka thënë se janë brenda lojës së kryeministrit dhe bashkëfajtore për situatën.
“Opozitën e kemi totalisht të nënshtruar është bashkëfajtore për këtë situatë që e kemi. Janë totalisht brenda lojës së z.Kurtit”, ka thënë ai.
