Qeveria e Kosovës ka mbajtur një mbledhje elektronike, në të cilën ka miratuar dy pika, raporton teve1.info
Sipas komunikatës së Qeverisë, në këtë mbledhje është marrë vendim për lehtësimin e procedurave të inspektimit kufitar për produktet me origjinë shtazore në mes të Kosovës dhe Shqipërisë.
Sipas komunikatës, një vendim i tillë synon heqjen e barrierave dhe forcimin e bashkëpunimit në fushën e bujqësisë në mes të dy vendeve.
“Nismën për lidhjen e Marrëveshjes Ndërkombëtare në mes të Qeverisë së Republikës së Kosovës dhe Këshillit të Ministrave të Republikës së Shqipërisë për Bashkëpunimin në lehtësimin e Procedurave në Pikat e Inspektimit Kufitar për produktet me origjinë jo Shtazore. Marrëveshja synon të promovojë tregtinë, heqjen e barrierave dhe lehtësimin e procedurave të kontrollit duke pasur parasysh marrëdhëniet e zhvilluara deri tash dhe duke synuar forcimin dhe shtrirjen e bashkëpunimit midis dy vendeve në fushën e bujqësisë”, thuhet në komunikatë.
Po ashtu, në këtë mbledhje të ekzekutivit, sipas komunikatës, është vendosur që të zhvillohet bashkëpunimi arsimor e shkencor me përfitim reciprok.
“Nismën për lidhjen e Marrëveshjes ndërmjet Qeverisë së Republikës së Kosovës dhe Këshillit të Ministrave të Republikës së Shqipërisë për Bashkëpunim Arsimor dhe Shkencor me përfitim reciprok”, thuhet në komunikatë.
