Ministri i Bujqësisë, Faton Peci ka thënë se në këtë vit ka rekord të mbjellave në Kosovë.
Ai tha se e gjithë kjo ka ardhur pas përkrahjes financiare, që sipas tij ishte deri në 216 për qind.
“Në fshatin Babaj i Bokës të Komunës së Gjakovës, takova Luan Muzlinë, një fermer shembullor, fjalëpak, pedant e i zoti i punës. Ferma e tij numëron 50 krerë lopë, prej të cilave 25 krerë qumështore, të cilat brenda ditë japin 500 litra qumësht.
Ai gjithashtu punon rreth 50 hektar tokë mes së cilave 20 hektar misër, 10ha grurë ndërsa pjesa tjetër thekër e tërshërë. Të mbjellat janë më të mëdhatë ndonjëherë e ndërsa falë Zotit rendimenti pritet të jetë i lartë.Bujq shembullorë anë e kënd Kosovës, bujq që ia dinë vlerën tokës, bujq që Zoti e as shteti nuk ua han hakun”, ka shkruar Peci gjatë takimit me fermerin nga Gjakova.