Çdo ditë kalon në këtë rrugë. E te dera e presin kolegët.
Aldi Hoxha çdo ditë pune bën regjistrimet e makinave në “Trafikun Urban”.
E punën e tij e bën me shumë dashuri. Këtë e thotë edhe kolegu, i cili tash e dy vjet punon me të.
‘’Punon mirë e sene edhe është njoftua me punën, ka bo praktikë pune shumë mirë prej kur ka ardhë’’, Hajdar Rexhepi.
E në mes tyre nuk mungojnë as batutat e përqafimet.
‘’Kalojna shumë mirë, e ndihmojna Aldin si me kanë anëtar i familjes, si koleg e si punëtor”, tha ai.
Ndërsa në ditën ndërkombëtare të personave me Sindromë Down, 25 vjeçari iu bashkua aktiviteteve të shoqatës Down Syndrome Kosova.
‘’Unë jam ish anëtar i shoqatës, unë me shokët e mi me i ndihmu, për kartolina”, tha Aldi Hoxha.
Hoxha i priu marshit me moton ‘’Ec me këpucët e mia’’ për të adresuar nevojat e këtij komuniteti tek institucionet e Kosovës.
Raporti i gazetares Albiona Hajdari.
