Kryeministri, Edi Rama ka deklaruar se sot për sot po luhet me fatin e Kosovës, jo të kryeministrit, Albin Kurtit.
I ndalur tek rreziku që Kurti të shpallet “non grata” së bashku me ministrin e Brendshëm, Xhelal Sveçlën, ai tha se kjo nuk është e rëndësishme për sa kohë dokumentet që qarkullojnë nuk janë të konfirmuara.
“Nuk hyj fare në këto sepse nuk kanë ndonjë rëndësi të veçantë nëse shpallet apo jo “non grata” për sa kohë nuk kemi një deklaratë zyrtare, por dokumente që qarkullojnë, të pakonfirmuara apo mohuara, raporton TCH.
“Dhe unë natyrisht dua vetëm suksesin e Albin Kurtit, Qeverisë së Kosovës, Republikës së Kosovës dhe asgjë tjetër, por nuk mund të rri më duke parë në kushtet kur realisht ajo që shoh duhet ndarë me të gjithë sepse është një kërcënim shumë i madh që nuk i vjen Kosovës nga Serbia, por i vjen nga reduktimi i marrëdhënieve me aleatët në një nivel ku e humbura e madhe është Kosova. Ky është shqetësimi im”, shtoi kryeministri shqiptar.
Rama: Një draft të Asociacionit ia kam dorëzuar BE-së e ShBA-së