Me rastin e shënimit të kësaj dite ministrja e Arsimit dhe Shkencës, Arbërie Nagavci ka thënë se të gjithë fëmijët duhet të kenë mundësi të barabarta .
Përmes një njoftimi në Facebook, Nagavci tha se bashkë me kryeministrin Albin Kurti vizituan nxënësit në shkollën “Xhemajl Mustafa” në Prishtinë.
“Pra, roli i mësimdhënësve, nxënësve dhe prindërve është shumë i rëndësishëm në synimin tonë të përbashkët për të siguruar gjithëpërfshirje dhe mundësi të barabarta për të gjithë”, ka shkruar Nagavci
Tutje ajo shkroi se Ministria e Arsimit ka filluar me punësimin e 100 asistentëve për fëmijët me nevoja të veçanta dhe do të vazhdojnë të punësojnë të tjerë në vitet në vazhdim, dhe me këtë janë duke ndërmarrë edhe shumë veprime të tjera që sigurojnë mundësi të barabarta për të gjithë.
“Qeveria e Kosovës e ka shpallë vitin 2022 – Vit të personave me aftësi të kufizuar dhe po punojmë vazhdimisht në shumë drejtime që të kemi një shoqëri ku respekti, vlera dhe dinjiteti vlejnë për të gjithë njësoj”, thuhet në njoftimin e ministres.
