Ministri i Bujqësisë, Faton Peci e ka quajtur analfabet ish-kryeministrin e Kosovës, tani deputetin e LDK-së, Avdullah Hotin.
Reagimi i ministrit ka ardhur pasi Hoti kishte kritikuar Pecin për ekzekutimin e subvencioneve për periudhën janar-mars të vitit 2023.
Peci në sqarimin e tij ka shkruar se nuk pagesa në këtë periudhë pasi sipas tij, në vitit 2022 s’ka pas borxhe.
“Hera e fundit që polemizoj me një analfabet! Z. Hoti nuk ka pagesa të subvencioneve në këtë periudhë, janar – mars 2023 sepse në vitin 2022 s’ka pas borxhe por në këtë periudhë ka pas aplikim për subvencione!Borxhi i vitit paraprak është ZERO ndërsa borxhet / obligimet tua kanë qenë mbi 40 milionë në vitin 2020 ndërsa kanë filluar të mbulohen në 2021-tën”, ka shkruar ministri.
Ndërsa, Hoti në një postim në Facebook kishte thënë se ministri i Bujqësisë është bërë inspektor i duhanit.
Ai po ashtu ka publikuar një listë të subvencioneve për periudhën janar – mars nga viti 2021, e që janë 24.96 mil euro, në vitin 2021, 4.86 mil euro dhe 0.28 mil euro,2023.
“Ministri Peci është bërë inspektor kundër duhanit, që është një çështje e rëndësishme. Por ai është ministër i bujqësisë dhe duhet të merret me bujqësi e jo me çështje të inspektorëve”, ka shkruar Hoti./teve1.info/
