Ministri i hekurudhave të Indisë të dielën Ashwini Vaishnaë tha se përplasja trekahëshe që përfshinte dy trena pasagjerësh dhe një tren mallrash në shtetin lindor Odisha të premten ka ndodhur “për shkak të një ndryshimi në bllokimin elektronik”.
“Komisioneri i sigurisë hekurudhore, që është organ i pavarur,është në përfundim të hetimit. ata do të na japin raportin e hetimit. kushdo që e ka bërë këtë akt të madh kriminal do të identifikohet së shpejti”, tha ai.
Të afërmit e viktimave u mblodhën të dielën në një qendër identifikimi në Balasore,të Indis, për të kontrolluar nëse familjarët e tyre të zhdukur ishin në mesin e të vdekurve.
Një nga të plagosurit, Md. Afsar, i cili i kishte shpëtuar aksidentit tregoi momentet e përplasjes së trenit.
“Treni u përmbys dhe më pas gjithçka u errësua. Pas kësaj nuk munda ta gjeja vëllain tim. Unë shpëtova pasi më nxorën jashtë”, tha ai.
Një burrë tjetër tregoi se nga 17 të afërm që po udhëtonin, vetëm 2 ishin gjallë dhe 3 të tjerë ende të zhdukur.
“Zyrtarë të hekurudhave më treguan se ka ndodhur një aksident. Më thirrën këtu mirëpo nuk mund ta gjejmë trupin e nipit tim. Askush nuk po na ndihmon”, u shpreh ai.
Aksidenti i së premtes në Indinë lindore, ka vrarë të paktën 275 njerëz dhe ka plagosur qindra të tjerë, duke e bërë atë një nga më vdekjeprurësit në vend në dekada./Tëvë 1/