Kryeministri i Republikës së Kosovës, Albin Kurti, ka komentuar vendimin e e dy kryetarëve të komunave veriore nga Partia Demokratike e Kosovës të cilët s’janë duke dalë në punë në objektet e Komunave.
Kurti shtoi se beson që kryetarët duhet të jenë në ndërtesa publike të Komunave, meqë s’ka ndonjë gjendje të jashtëzakonshme.
“Unë besoj që kryetarët e zgjedhur ndonëse dalja në zgjedhje ka qenë e ulët janë kryetar legal të cilët kanë legjitimitet ndonëse jo të plotë dhe normal për shkak të trysnisë së Serbisë që serbët t’i bojkotojnë zgjedhjet. Tash ata kandidatë që kanë garuar dhe kanë fituar duhet ta bëjnë punën sepse për këtë paguhen dhe unë besoj që vendi i punë i kryetarit të komunës duhet të jetë në ndërtesën publike të komunës sepse ndërtesa publike e komunës është ndërtesa e Republikës”.
“Ka gjendje të jashtëzakonshme si ajo me pandeminë ku edhe ne nuk kemi qenë në vende të punës për shkak se nuk kishte as vaksina, mirëpo vendi i punës së kryetarit është në atë ndërtesë dhe unë besoj që është mirë që të gjithë të jenë atje. Mirëpo sërish është kryetari ai që i ka marr votat natyrisht që është kryetar dhe i marrin vendimet për të cilët gjykoj kryetarë. Unë jam i bindur që kemi bërë krejt çfarë jam i mundur”.
