Kompania Rajonale e Ujësjellësit “Prishtina” ka bërë të ditur se për shkak të turbullirave në kanalin Ibër- Lepenc, pas reshejeve të shiut, do të ketë reduktime të ujit të pijshëm në Fushë – Kosovë, Obiliq dhe Drenas.
Në njoftim thuhet se reduktimet e sotme të ujit të pijshëm në Fushë-Kosovë do të zgjasin prej orës 10:00 deri në 15:00.
“Impianti i Trajtimit të Ujit në Shkabaj nuk ka mundësi teknike të trajtojë ujin për pije. Si pasojë e kësaj, Fushë Kosova dhe Drenasi do të ketë reduktime të ujit të pijshëm. Fushë Kosova sot nga ora 10:00 dhe do zgjasë deri në orën 15:00. Me reduktime janë edhe Drenasi dhe Obiliqi” – thuhet në njoftim.
KRU “Prishtina” po ashtu njofton se mungesë të ujit të pijes do të ketë për konsumatorët e Kodrës së Trimave dhe Mirditës, me ndërprerje prej orës 00:00 deri 05:00.
