Instituti Hidrometeorologjik i Kosovës (IHMK) ka njoftuar se sot do të ketë mot kryesisht të vranët, por dhe intervalet e shkurta me diell do të jenë prezente, përcjell teve1.info
Sipas tyre, deri më 2 qershor nuk parashihen ndryshime rrënjësore sa i përket parametrave meteorologjik.
“ Reshje shiu dhe shkarkime rrufesh do të përsëriten pothuajse çdo ditë por duke ndërruar lokacionet dhe intensiteti i reshjeve do te jetë i ndryshueshëm. Në shumë zona të kufizuara të Dukagjinit parashihet që reshjet të përcjellën me stuhi dhe breshër. Reshje breshëri mund të ketë edhe në rrafshin e Kosovës, kryesisht në verilindje dhe juglindje duke përfshirë zona të kufizuara”, thuhet në njoftim.
Sa i përket temperaturave ato do të shënojnë rritje të lehta në vlerat e mesditës. Do të fryje erë kryesisht nga juglindja dhe veriperëndimi me shpejtësi 1-11m/s.