Monaco arriti të marrë pikët e plota në fitoren 3:0 ndaj PSG-së, në kuadër të xhiros së 29-të në Ligue 1.
Ben Yedder në minutën e 25` të ndeshjes shënoi për t`ia dhuruar epërsinë e Monacos. Pas rasteve nga dy ekipet, pjesa e parë u mbyll me fitore minimale të Monaco 1:0.
Pjesa e dytë filloi mirë për dy ekipet, pasi kishin rastet e tyre, por përsëri më konkret u treguan ekipi i Philippe Clement, pasi në minutën e 68` dyfishuan epërsinë me anë të Volland.
Paris Saint Germain nuk arriti të realizonte edhe përkundër rasteve që kishin. Për të vendosur rezultatin final të ndeshjes u përkujdes përsëri francezi, Yedder i cili shënoi për 3:0, nga pika e bardhë.
Pas kësaj fitore Monaco ngjiten në vendin e shtatë me 44 pikë, ndërsa PSG qëndron edhe më tej në vendin e parë me 65 pikë.
