Ambasadori rus në Beograd, Aleksandar Bocan-Kharchenko thotë se presidenti serb Aleksandar Vuçiq është i vendosur që problemin në Kosovë ta zgjidhë në rrugë diplomatike, është i gatshëm për negociata, por kërkon neutralitetin e Perëndimit.
“Vuçiq e sheh zgjidhjen e problemit të Kosovës në tërësi ekskluzivisht me ndihmën e diplomacisë dhe është i gatshëm për negociata. Në të njëjtën kohë, kjo kërkon arritjen e një neutraliteti vërtet më të madh të Perëndimit, dhe më e rëndësishmja, ndershmërinë e Perëndimit”, tha Bochan-Kharchenko për televizionin rus “Russia24”, shkruan tanjug.
Vuçiq ka biseduar sot me ambasadorin e Rusisë, Aleksandar Bocan-Kharchenko, për situatën e fundit në Kosovë, e ka njoftuar për ngjarjet e djeshme dhe ka shprehur shqetësimin e tij “për dhunën ekstreme dhe tinëzare, diskriminim ndaj serbëve, me shqetësimin se situata po zhvillohet në një drejtim shumë të keq”, njoftoi shërbimi për shtyp i presidentit të Serbisë.
