Ambasadori i Mbretërisë së Bashkuar në Kosovës, Nicholas Abbott, i ka cilësuar si kriminale dhe të papranueshme sulmet e protestuesve serbë ndaj personelit të KFOR-it dhe gazetarëve në veri të Kosovës.
Ai përmes një reagimi në Twitter ka theksuar se duhet të ndërrmeren veprime të menjëhershme për të depërshkallëzuar situatën në veri të vendit.
“Sulmet në personelin e NATO dhe KFOR dhe gazetarëve janë kriminale dhe të papranueshëm. Siç e ka bërë jashtëzakonisht të qartë Quint – duhet të ndërmerren veprime menjëherë për të de-përshkallëzuar dhe ulur tensionet”, ka thënë ai.
Disa pjesëtarë të KFOR-it janë lënduar pas përleshjeve me qytetarët serbë të cilët kanë hedhur edhe shok-bomba ndaj ushtarëve të KFOR-it në Zveçan.
Ndërsa që vetura e ekipit të Tëvë1 pasi është dëmtuar edhe është djegur në Zubin Potok.
Edhe vetura të ekipeve të medieve tjera janë sulmuar gjatë ditës në veri. /teve1.info./
Attacks on @NATO_KFOR personnel and journalists are criminal and unacceptable. As the Quint have made extremely clear – actions need to be taken immediately to de-escalate and reduce tensions.
— Nicholas Abbott (@nickabbottfcdo) May 29, 2023