Deputeti i LDK-së, Armend Zemaj ka reaguar pas djegies së veturës së televizionit TËVË1, nga serbët në Zubin Potok.
Ai përmes një reagimi në Facebook ka thënë se është përgjegjësi e institucioneve të sigurisë t’i mbrojnë ato.
Teksa ka thënë se raportimi për situatën e sigurisë në pjesën veriore të Kosovës nuk duhet të cenohet nga askush.
“Sulmet ndaj mediave në veri janë të patolerueshme. Është përgjegjësi e institucioneve të sigurisë t’i mbrojnë ato.Raportimi i drejtë për situatën e sigurisë në pjesën veriore të Kosovës nuk duhet të cenohet nga askush.Dhjetëra sulme ndaj gazetarëve dhe punonjësve të tjerë të mediave u raportuan veç sot, madje deri në rrezikim të jetës së tyre. Kjo nuk guxon të ndodhë!Heshtja për këto raste është rrezik për demokracinë”, ka shkruajtur ai.
Ndryshe gjatë ditës së sotme veturës së Televizionit Tëvë1 fillimisht i janë shpërthyer gomat e thyer xhamat e më pas edhe është djegur.
Kurse sulme ka pasur edhe ndaj mediumeve të tjera.
Për këtë ngjarje ka reaguar edhe Asociacioni i Gazetarëve të Kosovës.
AGK-ja ka theksuar se kjo është sjellje e patolerueshme, teksa i ka bërë thirrje edhe NATO-s dhe EULEX-it që të reagojnë sa më pare në mënyrë që gazetarët të raportojnë pa u rrezikuar./teve1.info./