Ministri i Mbrojtjes i Shqipërisë, Niko Peleshi ka deklaruar sot se stërvitja “Defender Europe 23” është duke u zhvilluar aktualisht në pesë baza ushatarake.
Ai ka potencuar se në këtë stërvitje të madhe, që përfshin operacione tokësore, ajrore dhe detare, Forcat e Armatosura “po tregojnë gatishmëri dhe përkushtim maksimal”.
“DefenderEurope23 po zhvillohet aktualisht në 5 baza ushtarake në të gjithë vendin tonë. Në këtë stërvitje të madhe, që përfshin operacione tokësore, ajrore dhe detare, Forcat e Armatosura po tregojnë gatishmëri dhe përkushtim maksimal. Shtetet e Bashkuara, Shqipëria dhe NATO janë më të bashkuar dhe më të fortë se kurrë”, ka shkruar Peleshi në Facebook.
Në datat 15 maj – 9 qershor 2023, Shqipëria do të mirëpres dhe do të zhvillojë stërvitjet “Imediate Response” dhe “Astral Knight”.
