Përmes një postimi në Facebook, Hyseni u ka garantuar qytetarëve të Podujevës bashkëpunim të mirë dhe komunikim të sinqertë.
“Të dashur veprimtarë, përfaqësues të strukturave tona, anëtarë dhe simpatizantë LDK-së, ju që me mundin dhe kontributin tuaj përgjatë këtyre viteve, e mbajtët gjallë e të fortë LDK-në e Llapit, urime përvjetori i 32-të i shtpisë tonë të përbashkët! Në këtë datë të shënuar, fitoj nga rasti, t’ju falënderoj nga zemra secilin prej Jush, që po i qëndroni besnik Lidhjes Demokratike të Kosovës, duke ju garantuar për bashkëpunim të mirë, e komunikim të sinqertë, të ndërtuar duke vlerësuar kontributin e secilit!”, ka shkruar ai.
Ai u ka bërë thirrje të gjithëve për përfshirje sa më të madhe në strukturat e LDK-së, sidomos grave dhe të rinjve.
“Sot, zotohem para jush se LDK–Podujevë do të jetë e hapur për të gjithë, ndaj ju bëjë thirrje për përfshirje sa më të madhe në strukturat tona, sidomos, grave dhe të rinjve, ku shpejt do të kemi procese zgjedhore. Si i pari i LDK-Podujevë do të jem gjithmonë në shërbimin tuaj, duke krijuar hapësirë për sa më shumë energji të reja, e kreative, në mënyrë që ta mbajmë LDK-në forcë kryesore politike”, tha më tej Hyseni. /teve1.info/
