Mëngjesin e së enjtes, do të vazhdojë betimi i kryetarëve në pjesën veriore të Kosovës.
Nga ora 10-të, zyrtarisht këtë betim do të bëjnë kryetari i Zubin Potokut, Izmir Zeqiri dhe ai i Zvecanit, Ilir Peci.
Mirëpo ende nuk dihet për atë të Leposaviqit, Lulzim Hetemi.
E ndryshe nga Mitrovica e Veriut, ky betim do të bëhet në objektet komunale për komunitete.
Kryetari nga radhët e Partisë Demokratike të Kosovës, Izmir Zeqiri jep detaje për këtë proces, i cili do të mbahet në fshatin Çabër.
Zeqiri tregon se betimi do të kryhet ndaras nga komuna e Zveçanit.
Nga ana tjetër, kryetari i Kuvendit, Glauk Konjufca ka thënë se kandidatët atje i kanë të drejtat e përgjegjësitë e përcaktuara me Kushtetutë dhe nuk mund të tjetërsohen.
Kryetari i Mitrovicës Veriore, Erden Atiq u betua të premten e kaluar, me 19 maj.
