Arsenali ka marrë një fitore të rëndësishme në transfertë ndaj Aston Villës, ndeshje kjo në kuadër të xhiros së 30-të të Premier Ligës.
Topçinjtë në “Villa Park” triumfuan me rezultat 1:0. Pas vetëm gjysmë ore lojë “The Gunners” kaluan në epërsi me anët të Bukayo Sakas që goditi nga distanca, duke i dhënë edhe tre pikë të mëdha nga ky takim.
Pas javës së 30-të, Arsenali vazhdon të jetë në vendin e katërt me 54 pikë, ndërsa në xhiron e 31-të do të takohet me Crystal Palacen.
Kurse, Aston Villa zë vendin e 9-të me 36 pikë, teksa kjo ishte humbja e tyre e dytë radhazi, ndërkaq e 15-të në total këtë sezon.
/Tëvë1/