Kryetari i LDK-së, Lumir Abdixhiku, tha se çmimet nuk janë normalizuar, por sipas tij po vazhdojnë të rriten, raporton teve1.info
Përmes një statusi në Facebook, Abdixhiku ka reaguar pas deklarimit të ministrit Hekuran Murati, se çmimet kanë filluar t’i kthehen normalitetit.
“Çfarë është blerë me 105 euro në shkurt të vitit 2021, sot duhet të blihet me 127. Dhe rritja vazhdon. Sepse paaftësia kushton e propaganda s’bën zgjidhje”, ka shkruar ndër të tjera Abdixhiku.
Ministri Hekuran Murati kishte deklaruar ditë më parë se shkalla e inflacionit për muajin prill sipas ASK-së ishte 6.3%, që sipas tij paraqet një rënie të theksuar krahasuar me nivelin sa ishte disa muaj më parë.
