Kryetari i Kuvendit, Glauk Konjufca, në 24-vjetorin e masakrës në Burgun e Dubravës, e ka quajtur atë aktin më të shëmtuar që bëri Serbia në Kosovë.
Sipas tij, burgu është institucioni më i larët i shteti derisa në këtë burg, 24 vjet më parë, u grumbulluan njëmijë të burgosur me qëllim për t’u vrarë dhe masakruar.
Konjufca shtoi është më se e ditur që shteti serb e ka bërë këtë krim, siç e quajti ai makabër, por që thotë se fatkeqësisht ende nuk ka drejtësi.
“Jemi këtu për ta kujtuar aktin më të shëmtuar që e bëri Serbia. Burgu është si institucion për nga definicioni, si 100 për qind që kontrollohet prej shtetit dhe këtu njëmijë të burgosur ishin në dorën e Serbisë dhe ata u grumbulluan dhe u vranë e u masakruan. Ndonëse kanë kaluar 24 vjet dhe përgjegjësia është e shtetit serb, ende fatkeqësisht nuk ka drejtësi. I shoh edhe familjarët që për 24 vjet jetojnë me peshën e padrejtësisë. Kur është puna për UÇK po ka drejtësi e për forcat paramilitare serbe, me përgjegjësi të qartë që dihet për gjithë fushatën e gjenocidit që e ka bërë në Kosovë, nuk po ka drejtësi”, tha Konjufca./EO/
